काठमाडौं /नेपाली मुलका गायक दिवेश पोखरेलले फेरि अमेरिकन आइडलमा सहभागी हुने भएका छन् । अप्रिल १९ मा प्रशारण हुने आइडलमा स्टेजबाट नै उनले प्रतिस्पर्धा गर्ने बताइएको छ । किनभने यसअघि दिवेश लगायत अन्य प्रतिस्पर्धीले कोरोनाका कारण घरबाट नै आफ्नो प्रस्तुति दिएका थिए ।
दिवेश १८ औं सिजनको प्रतियोगीतामा उप–विजेता बनेका थिए । गत वर्षको आइडलमा दिवेशलाई विजेता बनाउनका लागि विश्वभरका नेपालीले भोटिङ गरेका थिए । तर, उनको भोट कम आएका कारण उप विजेतासम्म भए । यस रियालिटीशमा दिवेशले उप–विजेताको रुपमा चित्त वुझाउँदा जस्ट स्याम विजेता बनेकी थिइन् ।
